ХҚТЛ-ге оқушыларды қабылдау әр оқу жылының 01 сәуірінен 25 тамызына дейін жүргізіледі.Әдетте, жаңадан келген білім алушылардың көпшілігі 1 тоқсанның басынан бастап сабаққа кіріседі. Оқу жылы ішінде білім алушыларды тиісті сыныптарға қабылдау қол жетімділікке байланысты болуы мүмкін. Қабылдау комиссиясының қызметкерлері, директорының орынбасары қабылдау процесін ұйымдастырады.Оқушыларды қабылдау туралы түпкілікті шешімді ХҚТЛ-дің қабылдау саясатына сәйкес лицей директоры қабылдайды.

     Барлық жаңадан келген білім алушылар үшін бейімделу кезеңі 4-6 аптаға белгіленеді. Осы кезеңде сынып жетекшісі, лицей психологы, пән мұғалімдері және әкімшілік жаңадан келген оқушылардың оқу жетістіктерін бақылап, қажет болған жағдайда қолдау көрсетеді.

     Қабылдау тестілеуінде 50-59% жинаған оқушылар лицей директорының орынбасарымен сұхбатынан сәтті өткеннен кейін сынақ мерзімімен оқуға түсуге болады. Сынақ мерзімінің ең жоғарғы ұзақтығы - 3 айды құрайды. Бұл кезеңнің соңында оқушының үлгерімі талданып, оның лицейде одан әрі білім алуы туралы шешім қабылданады.

     Лицей қауымдастығының барлық мүшелері (оқушылар, мұғалімдер, ата-аналар, лицейдің техникалық және көмекші қызметкерлері) лицейдің Тәртіптік саясатын біледі және орындайды. Жаңадан келген оқушылардың ата-аналары бұл құжатты сынып жетекшісімен бірінші ата-аналар жиналысында оқиды немесе ХҚТЛ-дің Тәртіптік саясатымен  өз бетінше танысады. Ата-аналар балаларының барлық лицей ережелерін сақтауын және себепсіз сабақтан қалмауын қамтамасыз етуге міндеттенеді.

     ХҚТЛ ережелерін өрескел бұзғаны үшін лицей білім алушының оқуын тоқтата тұруға немесе оқудан шығаруға құқығы бар.

     Ата-аналар баласының лицей ережелерін сақтауына жауапты. Ата-аналар балаларының сабаққа кешігіп келуіне жол бермей, ұқыптылығын, тәртібін және лицей формасын қадағалап, көмектесе алады. Ата-аналар баланың лицейдегі жетістіктері мен туындаған мәселелері туралы ақпарат алу үшін сынып жетекшісімен, пән мұғалімдерімен байланыста болуы керек. Қажет болған жағдайда ата-аналар лицей әкімшілігіне хабарласа алады.

     Бала лицейге түскен кезде ата-аналар баланың денсаулық жағдайы туралы медициналық картасын (бұрынғы және созылмалы аурулары, аллергия, тағамға төзбеушілік және т.б.туралы деректері бар) және вакцинация парағын ұсынуға міндетті. Ата-аналар баланың басқа балалар мен лицей қызметкерлерінің денсаулығына зиян тигізетін жұқпалы ауруды жұқтырған жағдайда лицейге дер кезінде хабарлауы қажет. Қажет болған жағдайда балаға лицейге алғашқы медициналық көмек көрсетіледі. Қазақстан Республикасы Денсаулық сақтау министрлігінің бұйрығына сәйкес жыл сайынғы медициналық тексерулер мен егулердің кестесі жасалады. Лицей дәрігері ата-аналарды алдағы екпе мен медициналық тексерулер туралы дер кезінде хабардар етеді.

     ХҚТЛ тәулік бойы оқушылардың қауіпсіздігін және лицей мүлкінің сақталуын қамтамасыз етеді. Лицей ғимараттары мен іргелес аумақтарға бейнебақылау камералары орнатылды.

     Лицей білім алушыларының фотосуреттері тек ата-анасының келісімімен ғана пайдаланылатынын қамтамасыз етеді. Егер ата-аналар балаларының фотосуреттерінің немесе бала мен отбасы туралы мәліметтердің лицейдегі іс-шараларда оқу мақсатында пайдаланылуын қаламаса, бұл туралы лицейге жазбаша түрде ақпарат беру керек.

     ХҚТЛ балаларды (лицейге және лицейден) тасымалдау қызметін ұсынады.